د ښځو چارو په وزارت کې د ماشوم ورځ ولمانځل شوه
چارشنبه د غبرګولي ۱۲مه ۱۴۰۰ ه .ل. کال
د نذیره رحمان د ښځو چارو وزارت د اقتصادي چارو د ځواکمنۍ مرستیالې او ځینو کارکوونکو په ګډون د ماشوم ورځ له غرمې مخکې د دې وزارت په انګړ کې ولمانځل شوه.
د اقتصادي چارو د پياوړتیا مرستیالې میندو ته د ماشوم ورځې د مبارکي ویلو په ترڅ کې وویل: د ماشوم د عمر په ټولو کلنو کې د پاملرنې وړ موضوع ، د هغوی خوراک، ښوونه اوروزنه ده . اومیندې په دې برخه بڼستیز رول لوبوي، او کولای شي د اړینو ټکو په پام کې نیولو سره اغیزمن او ګتور رول ولوبوي. همدا شان یې له ټولو کورنیو څخه وغوښتل چې د ماشومانو د ښوونې او روزنې په برخه کې پانګونه وکړي .
د یادونې وړ ده چې په ۱۹۴۶ زږیدیز کال کې تر دوهمې نړیوالې جګړې وروسته په اروپا کې ، د ملګرو ملتو عمومي غونډې د ماشومانو د ملاتړ په موخه د یونسیف په نامه یوه ټولنه جوړه کړه او د اکتوبر ۸ مه يې د ماشومانو نړیواله ورځ ونوموله او وروسته د جون لومړی چې د غبرګولي له یوولسمې نېتې سره سمون خوري په ۱۹۴۶زږیدیزکال کې د ښځو د نړیوالې دموکراتیکې ټولنې په غونډه کې چې په پاریس کې ترسره شوه د ماشومانو نړیوالې ورځې په توګه اعلان شوه.
