حسينه ساپۍ د ښځو چارو سر پرست وزیر د جنسیتي برابرۍ لپاره په ملي، سیمه ییزه او نړیواله کچه د همغږۍ په رامنځته کولو ټینګار وکړ.
حسینه ساپۍ د ښځو چارو سر پرست وزیر د اسلامي همکاریو د ښځوچارو وزیرانو د څنډنۍ او ګردي مېز په ناسته کې چې په اسلامي نړۍ کې د ښځو د پیاوړتیا لپاره د سازمان نوې ژمنې تر سر ليک لاندې د OIC غړو هېوادونو لوړ پوړي پلاوي او وزیرانو په ګډون تر سره شوې وه ګدون وکړ.
په دې ناسته کې د ښځوچارو سرپرست وزیر د مصر د عربي جهوري دولت د مېلمه پالنې او افغانستان کې د ښځو د لاسته راوړنو په تړاو د کنفرانس بریالي تنظیم څخه د کور ودانۍ ویلو په ترڅ کې، د ښځو د حقوقو په برخه د نړیوالو حقوقي اسنادو لاسلیک او تصویب او په افغانستان کې د ښځو د حقوقو څخه د ملاتړاو پیوستون څرنګوالي په تړاو خبرې وکړې او د اسلامي هېوادونو د ښځو ترمنځ پر پیوستون یې ټینګار وکړ او زیاته يې کړه چې د ښځو د پراختیا سازمان د پياوړتیا په پار د شته وضعیت پر بنسټ باید ګډ لومړیتوبونه په ګوته کړو، په ملي، سيمه ییزه او نړیواله کچه د جنسیتي برابرۍ په موخه همغږي را منځ ته کړو، له جغرافیایي موقعیت په نظر کې نيولو پرته، د یو بل ملاتړ وکړو او یو د بل غږ اوسو.
