افغان ښځې د جګړې په شرایطو اوبیړنیو حالاتو کې د نړیوالې ټولنې ملاتړ له ځان سره لري.
د نذیره رحمان د ښځو چارو وزارت د ښځو د اقتصادي چارو د ځواکمنۍ مرستیالې په مشری، اړونده ادارو د پلان او پالیسۍ ریٔسانو په ګډون د جګړې په شرایطو او بيړنیو حالاتو کې د ښځو د ساتنې په اړوند د بین الوزارتي کمیتې غونډه د دې وزارت په مقام کې ترسره شوه.
د غونډې په پیل کې د اقتصادي چارو د ځواکمنۍ مرستیالې د ملګرو ملتو د ۱۳۲۵ پریکړه لیک په تړاو چې د ښځوـ سولې او امنیت په هکله دی معلومات ورکړل او اوسني وضعیت ته په کتو سره د هېواد په اوسنیو شرایطو کې د یادې کمیتې جوړول یوه ستره اړتیا یاده کړه.
بین الوزارتي کمېټه په ټولنیزـ اقتصادي او سیاسی برخه کې د افغان ښځو د ژوند شرایطود ښه والي په پار او همداشان له تاوترېخوالي او جنسیتي توپېر پرته د خوندې او امن چاپیریال د چمتو کولو په موخه د ښځو چارر وزارت له لوري جوړیږي.
په دې غونډه کې د پاليسۍ، تطبیقي پلان او هوکړه لیک په هکله پرېزنتېشن وړاندې شو او په ورته مهال کې د یادې کمېټې د د ندولایحې او کړنلارې په هکله بحث او تبادل نظر وشو
او د غوندې ګډونکوونکو غړو پرېکړه وکړه ترڅو د هغوی نظریات د یادې کمېتې د جوړیدوپه تړاو را غونډ او بیا عملي اقدام وشي.
د یادونې وړ ده چې د ملګرو ملتو د امنیت شورا ۱۳۲۵پریکړه لیک چې ۲۰۰۰ زږیدیز کال د اکتوبر په ۳۱ نېټه تصویب شوی د ښخې ـ سولې او امنیت په برخه کې یوسند دی.
