پشتو

اتلانو ته د ډالیو د ورکړی پروګرام پیل شو

د ښځو چارو وزارت خوښ دی چی، د اتلانو د لټون پروګرام پرانېسته اعلان کړي. اتلانو ته د ډالیو د ورکړې پروګرام چی، په افغانستان کښی د لومړی ځل لپاره پرلاره اچول کیږی، هغه نارینه وو او ښځینه وو دپېژندلو په لټه کی دی چی، په حکومت کی د ښځو ونډه او همدارنګه په ټولنه کی د ښځو ګډون یی پیاوړی کړی او د هغوئ د حقوقو څخه یی ملاتړ کړی وي. ددې پروګرام موخه دادی تر څو د خلکو په منځ کی دا ذهنیت په ټولنیزه او بنسټیزه توګه ومنل شی چی، ښځی کولای شي په عامه او خصوصی سکتور کی ګډون وکړی او باید هم ویې لري.

د اتلولۍ د جایزې د لاسته راوړلو لپاره هغه کسان غوښتنلیک وړاندی کولای شی چی، د لاندې ځانګړتیاوو درلودونکي وي:

د افغانستان د تابعیت درلودونکی او په هیواد کی هستوګن وی؛ لږ تر لږه ۱۸ کلن وی؛ د دولتی او خصوصی سکتور کارکوونکی وی او تر اوسه پوری د جندر د وضعیت د ښه والي فعالیتونو پخاطر ډالی نه وي ورکړل شوي. غوښتنلیک ورکوونکی باید د لاندې اسنادو کاپیانې وسپاري: د تابعیت د تذکرې کاپی؛ د غوښتنلیک ډکه شوې فورمه؛ د نوماند کوونکي له کاري مرجعې څخه مکتوب او د شتوالی په صورت کی ددوی د ټولنیزو پاڼو لینک. غوښتونلیک ورکوونکی باید په کابل، هرات، بلخ، کندهار او یا ننګرهار کی هستوګن وی. ګټونکی به ددې پروګرام د تمویل کوونکو لخوا، ددوی څخه د مننې او هغو مرستو څخه د قدرداني پخاطر چی دوی په ټولنه کی د ښځو د موقف د اوچتولو په لاره کی ترسره کړی، د اتل د تقدیر مجسمه، د ظرفیت لوړونې زده کړی او ډالۍ ترلاسه کړی.   

د فورم او د اتلانو د ډالۍ په اړه د نورو جزئیاتو د ترلاسه کولو لپاره کولای شئ په کابل کی د ښځو چارو وزارت، په ولایتونو کی د ښځو چارو ریاستونو او د www.mowa.gov.af او www.epd-af.org ویب پاڼو ته مراجعه وکړئ. کولای شئ خپل غوښتنلیکونه د ۲۰۱۸ کال د آګسټ تر ۱۴مې پوری په کابل کی د ښځو چارو وزارت، په ولایتونو کی د ښځو چارو ریاستونو او یا هم د بريښنالیک له لارې communications@promotewig.com ته ولیږئ.

د اتلانو د ډالۍ د کمیټې مدیریت د ښځو چارو وزارت لخوا، او د کار، ټولنیزو چارو، شهیدانو او معلولینو وزارت په مرسته، د مدنی ټولنو بنسټونو او د ښځو د پیاوړتیا لپاره مرکز، د ټولنې د پیاوړتیا لپاره د ښځو د یووالی موسسه او همدارنګه د افغانستان د روزنیزې موسسې په ګډون رهبری کیږي.

 که غواړئ د اتل د ډالۍ په اړه لازیات معلومات ترلاسه کړئ، مهربانی وکړئ د اتلانو د ډالۍ د پروګرام سکرتریت سره د ۰۷۳۰۶۶۳۵۷۴ شمېرې تلیفون یا communications@promotewig.com  بریښنالیک له لارې په اړیکه کې شئ.

د اتلو جایزو لپاره د غوښتنلیک غوښتنه

 

شالید

د لمړي ځل لپاره، هغه افغان ښځینه او نارینه به وپیژندل شي چې، په نه ستړي کیدونکي توګه یی په خصوصی او دولتی سکتورونو کې د ښځو د مشرتابه ونډې رول ته کوي. دغه پروسه به د اتلانو د جایزې له لاری د روان 2018 کال د جولای میاشتي په 15 مه د۱۳۹۷ لمریز کال د چنګاښ ۲۴ نیټه سره سم په رسمي ټوګه پیل شي.

د اتلانو جایزه، د ښځو د پیاوړتیا په منظور دملاتړ کونکو د پیژندني او ستایني لپاره یو اوږد مهاله پلان دی، ترڅو په ټولنې کې، د ښځو د فعال ګډون لپاره ټولنیز او بنسټیز ملاتړ چټک شي. یو ایډیالي اتل هغه ښځینه وی اوکه نارینه، خو په عامه سکتور کی یې ټولنې ته په پراخه کچه د ښځو د رول، د پرمختګ او ودي لپاره نندارې ته وبراندې کړی وي د ملاحظی وړ مشرتابه ښودلی وي.

دغه نوښت به د ښځو چارو وزارت لخوا رهبری کیږي او د کار، ټولنیزو چارو، شهیدانو او معلولینو وزارت، ټاکل شوي مدني ټولني او نورو دولتي او غیر دولتي سازمانونه د ځوانانو او اکاډمیکې ډلې په ګډون به ددی نوښت ملاتړ کوی.

کوم کسان کولای شي چی داتلو ډالیو لپاره خپل غوښټنلیک وړاندې کړې؟

  • د کابل، هرات، بلخ، ننګرهار او کندهار ولایتونو په خصوصي او دولتي سکتور کی، هغه ښځینه او نارینه چی،
  •  د ښځو مشرتابه ته یې ودې ورکولو په برخه کي یی مهمی هڅی ترسره کړي وي.  
  • لږ تر لږ 18 کلن وي، هغه افغانان چي په بهر کې ژوند کوي په شرایطو برابر نه دي.
  • هرڅوک کولای شي یواځې یو ځل غوښتنلیک وسپاري او یا کاندید شي

کوم کسان د اتل د جایزو لپاره غوښتنلیک نشي سپارلی؟

  • د سیاسي ګوندونو مشران او یا غړي
  • د اتل جایزي د څېړنې د کمېټې غړي
  • د اتل جایزي د ټاکنې د کمېټې غړي

د اتلانو جایزي په څو ډوله دی؟

د اتلو جایزې په دوه کټګوريو ویشل شویدی: د دولتی سکتور د اتلانو جایزي او د خصوصی سکتور د اتلانو جایزی. د هری کټګورۍ لپاره معیاورنه په لاندی ډول دي.

لومړۍ کټګوري: د دولتي سکټور جایزې

هغه څوک چې لاندني معیارونه پوره کړي، کولای شي د دولتي سکټور جایزې ته غوښتنلیک وسپاري:

 

الف ۱ معیار

د ښځو د ملاتړ لپاره یی ژمنه ښودلی وي

ب ۱ معیار

دښځو دعامه پالیسۍ جوړولو او کړنلارو په برخه کې بی دریغه مبارزه کړي وي

ج ۱ معیار

د ښځو لپاره یی هوسا او دوستانه کاري چاپیریال رامنځته کړی وي

د ۱ معیار

پر خلکو باندی اغیز ولري

ر ۱معیار

په ټولنه کی د مطرح کولو لپاره لیواله وي

ز ۱ معیار

د تیرو لسو کلونو راهیسې یې د جندر د پراختیا په برخه کې کوم جایزه نه وي ترلاسه کړي

س ۱ معیار

لومړیتوب به هغو کسانو ته ورکړل شي چې د محدودو سرچینو سربیره په  کلتوري او امنیتي محدودیتونو او هم  د حکومتي/سیاسي ملاتړ او اړیکې له نشتوالي سره سره یې د ښځو ملاتړ لپاره یی هڅي کړې وي.

ش ۱ معیار

هغه کس د یو اتل په توګه نشی ټاکل کیدای که څه هم چی د ښځو پرمختیایی پروژو کي یی کار کړی وی خو ولې د خپل کور ښځو ته یی بنسټیز حقوق نه وي ورکړي. یو اتل باید لمړی د خپلو کورنیو څخه بدلون پیل کړي.

ص ۱ معیار

اتل باید په ټولنه/ یا هغه موسسه کې چې کار کوي د ښه شهرت څښتن واوسي.

 

 

دویمه برخه: د خصوصي سکتور جایزي

د لاندنیو معیارونو په پوره کولو سره، یو کس کولای شي د خصوصی سکتور کټګوري د اتل جایزې ته غوښتنلیک وسپاري:

الف ۲ معیار

پر ټولني باندی اغیز ولري

ب ۲ معیار

دښځو دحقونو د دفاع لپاره ژمن وي

ج ۲ معیار

شخصي میړانه او مشرتوب یې په عمل کې ښودلې وي

د ۲ معیار

پر خلکو باندی اغیز ولري

ر ۲ معیار

په ټولنه کې دمطرح کولو لپاره لیواله وي

ز ۲ معیار

په تیرو لسو کلونو کی یی د جندر د پراختیا په برخه کې ډالۍ نه وي ترلاسه کړی

س ۲ معیار

لومړیتوب به هغو کسانو ته ورکړل شي چې، د محدودو سرچینو سربیره، کلتوري او امنیتي محدودیتونو او حکومتي/سیاسي ملاتړ او اړیکې له نشتوالي سره سره یې د ښځو ملاتړ لپاره هڅي کړې وي.

ش ۲ معیار

هغه کس د یو اتل په توګه نشی ټاکل کیدای چی د ښځو پرمختیایی پروژو کي یی کار کړی وی خوولې د خپل کور ښځو ته یی بنسټیز حقوق نه وي ورکړي. یو اتل باید لمړی د خپلو کورنیو څخه بدلون پیل کړي.

ص ۲ معیار

اتل باید په ټولنه/ یا کوم موسسه کې چې کار کوي د ښه شهرت څښتن واوسي.

 

 

اتل به څه تر لاسه کړي؟

  1. پیژندنه او جایزه: د جایزو د ورکړې مراسم به په کابل کې د حکومت او نړیوالو موسسو د لوړپورو چارواکو په شتون کی تر سره شي. ددې جایزې اصلي پایله دا ده تر څو، هغه اتلان وپیژندل شي چی، په افغانستان کې یی د ښځو د ملاتړ لپاره کار کړي وي او همدارنګه ښځینه رهبرانو ته یی د ټولنیزو او دودیزو رسنیو له خوا وده ورکړې وي.
  2. تصدیق پاڼه: اتلانو ته به تصدیق پاڼه هم ورکړل شي چې، په هغه کې به، د هغوئ له میړانې او کارنامو څخه ستاینه شوې وي.
  3. نورې ډالۍ: نوری تحفی به هم د اتلانو جایزې د ملاتړ کوونکو لخوا اتلانو ته ورکړل شي. د بیلګي په توګه: د وړتیا د لوړولو ټریننګونه.

د اړتیا وړ اسناد:

هغه خلک چې غواړی د اتل د جایزو ته ځان کاندید کړي یاهم بل څوک نوماند کړي، باید دا لاندې اسناد وسپاري:

  • د اتلانو جایزي لپاره د بشپړ شوي غوښتنلیک/فورم
  • د غوښتونکي کس د تذکرې کاپې
  • د نوماند کوونکي له خوا مرجع لیک
  • دشتون په صورت کی دغوښتن کوونکي اړیکه چی له ټولنیزو رسنییو سره لري

پروسې څخه لرې کول:

غوښتونلیک سپارونکي کسان به د لاندې دلایلو له مخې د خپلو اسنادو د لا زیاتې ارزونې په لپار سلب صلاحیت شي:

  • د غوښتنلیک سپارنې د بهیر لپاره د اړتیا وړ اسنادو نه پوره کول (دپوره اسنادو، نه تکمیل لول) لکه د ټول اړتیا وړ اسنادو نه تسلیمول
  • له بهیر سره د ګټو د هر ډول ټکر او ناسازګاري شتون
  • د ګمراه کوونکو، ناسمو معلوماتو او د ملاتړیزو اسنادو وړاندې کول
  • دڅیړنی لپاره د اړتیا په مهال دپوره اسنادو په وړاندې کولو پاتی راتلل.
  • غیراخلاقي چلند او جرمې سابقې لرل

د غوښتنلیک میتودونه

  1. مستقیم غوښټنلیک: د همدې میتود له لارې، یو کس کولای شي په مستقیمه توګه سره د اتل جایزو ته غوښتنلیک وسپاري. د مثال په توګه: د ځان کاندیدول د اتلانو جایزې ته.
  2. د بلی مرجع له لارې نوماندیدل: په داسې حالت کې، د یوې موسسې مشر کولای شي خپل کارمند د اتل جایزو ته نوماند کړي او د خپل کارمند په استازیتوب، د هغه اسناد تسلیم کړي.

 څرنګه غوښتنلیک وسپارو؟

  1. هغه کسان چې د معیار له شرایطو سره برابر وي او د کابل، هرات، بلخ، کندهار او یا د ننګرهار په ولایت کي کار او ژوند کوی، له هغوی څخه غوښتنه کېږي تر څو د communications@promotewig.com برېښنالیک ته د خپل غوښتنلیک په سپارلو سره لاس په کار شي.
  2. ستاسې د غوښتنلیک له تر لاسه کولو وروسته به، تاسې ته یو تاییدیه برېښنالیک در ولیږل شي.

د غوښتنلیک سپارلو وروستۍ نېټه: د ۲۰۱۸ کال د اګست میاشي ۱۴ د ۲۳ زمری ۱۳۹۷ لمریز کال سره سم دی

جهت دریافت فورم درخواستی به اینجا کلیک نمائید.  داتلو جایزو لپاره غوشتنلیک پانه